ನಾನು ಯಾರು?

ನಾನು ಎಂದಷ್ಟು

ನನಗೆ ನಿಗೂಢವೇ ಹೆಚ್ಚು

ಪ್ರಶ್ನಿಸಿಕೊಳ್ಳಬೇಕು ನಾನು

ಇದು ನಿಜವೇ ಎಂದು

ನಾನು ಇನ್ನೊಬ್ಬರಿಗಿಂತ

ಹೇಗೆ ಭಿನ್ನ?

ಎಲ್ಲರ, ಎಲ್ಲ ಅಂಶಗಳು

ನನ್ನೊಳಗೂ ಇವೆ...!!

ಒಳ್ಳೆಯವನೆಂದರೆ ಒಳ್ಳೆಯವನು

ಕೆಟ್ಟವನೆಂದರೆ ಕೆಟ್ಟವನು, ನಿಜ

ನನ್ನೆದುರಿಗಿರುವವನ

ಪ್ರತಿಬಿಂಬ ನಾನು...!!

ಆಸೆಯಿಲ್ಲ, ದೂಷಣೆಯಿಲ್ಲ

ಕೈಗೆ ಸಿಕ್ಕಷ್ಟು ಪ್ರೀತಿಯಲಿ ತೃಪ್ತಿ

ತೇಲುವ ಅಲೆಗಳ ಮೇಲೆ

ಹುಟ್ಟು ಹಿಡಿದ ಮೀನುಗಾರ

ಏನೇ ಹೇಳಿದರೂ, ದೂಷಿಸಿದರೂ

ಒಪ್ಪಿಕೊಳುವೆ ನಾನು, ನಿಜವಿರಬಹುದು

ಆದರೆ, ಅಂತರಂಗದೊಳಿಹೆನು

ನನ್ನಂತೆ ನಾನು...!!