ಮೌನದ ಹಿಂದೆ.....?

ನಾಚಿಕೆ

ಕೆಂಪಾದ ಕೆನ್ನೆ, ಹೊಳಪಿಡುವ ಕಣ್ಣು

ಉಗುರು ಕೆರೆದ ನೆಲದ ಒಡಲಲಿ

ಚಿಗುರುತಿದೆ ಪ್ರೀತಿ ಮೌನದಲಿ

ಭಯ

ಜಗವು ತಮದಲಿ, ನುಡಿ ತೊದಲಲಿ

ನಡುಗುತಿರುವ ಹೃದಯದಲಿ

ಕರಗುತಿದೆ ಕನಸು ಮೌನದಲಿ

ಸಾವು

ಉಸಿರಿಲ್ಲ, ಭಾವನೆಗಳಿಲ್ಲ

ನೀರ ಮೇಲೆ ಗುಳ್ಳೆ ತೇಲಿದಂತೆ

ಸೇರುತಿದೆ ಜೀವ ಮೌನದಲಿ

ಬುದ್ಧ

ಬೋಧಿ ವೃಕ್ಷದಡಿ ಜ್ಞಾನ ಪಡೆದಿರಲು

ನಿರ್ವಾಣ ಹಾದಿಯಲಿ ಸರ್ವಸಂಗ ಪರಿತ್ಯಾಗಿಯಾಗಿ

ಸಾರುತಿಹ ಶಾಂತಿ ಮೌನದಲಿ

ಎಲ್ಲವೂ

ಬದುಕಿನ ಎಲ್ಲ ಅನುಭವಗಳ

ಸಾರಾಮೃತ ಭಿತ್ತರಿಸುವ ಹಾದಿಯಲಿ

ತತ್ವವಾಗುತಿದೆ ಮಾತು ಮೌನದಲಿ